Vraag: Is dit ‘n vereiste om te glo dat Jesus God is om wedergebore te word? Ek kan nie ‘n duidelike antwoord in die Bybel kry nie. Help asseblief! Ek wonder nogal gereeld oor hierdie vraagstuk.
Antwoord: Baie dankie vir hierdie deurslaggewende vraag. Daar is inderdaad baie mense wat met hierdie kwessie worstel. Die Bybel stel dit egter onomstootlik duidelik: ‘n mens moet glo in die Godheid van Jesus Christus om gered te word.
Joh 8:23-24 “En Hy sê vir hulle: Julle is van benede, Ek is van bo; julle is uit hierdie wêreld, Ek is nie uit hierdie wêreld nie. Ek het dan vir julle gesê dat julle in jul sondes sal sterwe; want as julle nie glo dat dit Ek is nie, sal julle in jul sondes sterwe.”