Soms is dit vir ons as gelowiges weer nodig om vir ‘n slag stil te gaan sit, en oor ons Verlosser en wat Hy deur Sy voltooide werk aan die kruis vir ons bewerkstellig het na te dink. In hierdie artikel gaan slegs ‘n gedeeltelike lys van feite uitgelig word wat aan ons ‘n idee sal gee wat Jesus werklik vir die gelowige beteken. Die leser word versoek om biddend oor hierdie lys na te dink, en self die ander waarhede wat nie in hierdie artikel genoem is nie in die Bybel op te soek en dit self by hierdie lys te voeg.

Indien ons werklik tot die volle besef van Wat en Wie die Here Jesus Christus vir ons is, en oor watse mate van liefde die Vader vir ons  koester deur Sy geliefde Seun in ons plek kruis toe te stuur, sal ons nooit weer God se liefde vir ons bevraagteken nie. God se liefde vir ons is net so onbeperk soos wat Hyself is. God se liefde vir ons beskik oor geen perke nie! Dink mooi oor hierdie feit na. God het ons nie lief, nie omdat ons dit verdien nie, maar Hy het ons grensloos lief omrede Hy is Wie Hy is! God is liefde! Lees meer Wie is die Here Jesus Christus vir die Gelowige? →