Vraag: Kan die Duiwel die toekoms voorspel? Indien nie, waarom kom voorspellings van mediums, spiritiste, vals profete en toordokters soms waar? Mens hoor gereeld van sulke voorspellings wat waar word, en dit komende van mense wat nie in Jesus glo nie. Is daar is verduideliking hiervoor? Lees meer Kan Satan die toekoms voorspel?
Om ‘n Beter kind van God te wees
Vraag: Ek wonder of jy my raad kan gee oor hoe ek ‘n sterker kind van God kan word. Dit is rêrig moeilik om die gevoel binne my te verduidelik oor my besluit. Ek is n huisvrou en het n wonderlike huwelik met twee pragtige kinders. Ons behoort aan die Dopper kerk en my man is ‘n diaken ook. Tog voel daar iets wat kort en ek wil rêrig meer van die Here leer, en rêrig ‘n opregte kind van Hom word en wil my gesin dra met die Here se woord.
Hoop jy verstaan wat ek probeer sê.
Valse Profete vs Ware Profete
Toets die Geeste: Waak teen Valse Profete
Die Skrifte waarsku ons herhaaldelik teen die gevare van valse profete, valse leraars en valse apostels. Ongelukkig steur baie mense hulle nie aan hierdie waarskuwings nie, wat tot hulle eie ondergang sal lei. Mense wat mislei is, sal nooit die verskoning kan gebruik dat God hulle nooit gewaarsku het nie.
2Pet. 2:1 “Maar daar was ook valse profete onder die volk, net soos daar onder julle valse leraars sal wees wat verderflike ketterye heimlik sal invoer, en ook die Here wat hulle gekoop het, verloën en ‘n vinnige verderf oor hulleself bring;”
Verder word ons gewaarsku om nie alles te glo wat ons hoor nie, maar ons moet eers die geeste toets! Dit is ons plig as gelowiges om vas te stel wie die geeste is en onder wie se leiding die sogenaamde profete optree.
1Joh. 4:1 “Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.”
Ware Apostels vs Valse Apostels
Die Toets van Ware Apostelskap: ‘n Skriftuurlike Perspektief
In die hedendaagse kerklike landskap word daar toenemend verneem van individue wat aanspraak maak op die amp van Apostel. Gehore plaas dikwels soveel vertroue in hierdie persone dat hulle leerstellings met die gesag van die Bybel gelykgestel word. In vele gevalle weerspreek hierdie leerstellings selfs die Skrif, sonder dat dit bevraagteken word. Hierdie groeiende tendens binne die belydende Christendom is iets waarteen die Bybel ons uitdruklik waarsku.
2Kor.11:13 “Want sulke mense is valse apostels, bedrieglike arbeiders wat hulleself verander in apostels van Christus. 14 En geen wonder nie! Want die Satan self verander hom in ‘n engel van die lig. 15 Dit is dus niks besonders wanneer sy dienaars hulle ook voordoen as dienaars van geregtigheid nie. Maar hulle e2inde sal wees volgens hulle werke.”
Ouers as voorbeeld aan Kinders
Die Ouer as Voorbeeld of Struikelblok: ‘n Ernstige Waarskuwing
Die Here het ‘n baie ernstige waarskuwing in die Bybel gegee aan diegene wat veroorsaak dat ‘n kind wat in Hom glo, struikel.
Matt.18:5 “En elkeen wat een van sulke kindertjies in my Naam ontvang, ontvang My; 18:6 maar elkeen wat een van hierdie kleintjies wat in My glo, laat struikel, dit is vir hom beter dat ‘n meulsteen aan sy nek gehang word en hy wegsink in die diepte van die see. 18:7 Wee die wêreld weens die struikelblokke! Want dit is noodsaaklik dat daar struikelblokke kom, maar wee die mens deur wie die struikelblok kom.”
Wat sien ons kinders daagliks in ons optrede as ouers? Wat is die voorbeeld wat ons aan hulle stel? ‘n Ouer se optrede beteken baie meer as net leë woorde. ‘n Kind sal nie ‘n pa wat gereeld in ‘n kroeg kuier ernstig opneem wanneer hy daardie selfde kind teen die gevare van drankmisbruik waarsku nie. Kinders kyk op na hul ouers as rolmodelle en volg na wat hulle waarneem. Indien ‘n ouer drankmisbruik as normaal vertoon, sal die kind dit dikwels as sodanig aanvaar.
Lees meer Ouers as voorbeeld aan Kinders
Die Voorwerp van Geloof: Waarin rus jou Vertroue?
Geloof het nooit meriete of waarde op sy eie nie. Die meriete en waarde van geloof lê in die voorwerp waarop vertrou word. Ons almal beoefen daagliks geloof op verskeie voorwerpe: ons vertrou dat ons geld iets kan koop; ons glo koerantberigte en dit wat ons op televisie sien; ons vertrou op vriende en eggenote, en dikwels vertrou ons selfs op onsself.
Jou geloof gaan dus net so betroubaar wees soos die objek waarop jy vertrou. Ons kan met sekerheid sê dat geloof op sy eie — maak nie saak hoe groot dit mag wees nie — oor geen inherente krag beskik nie. Die krag lê alleenlik in die voorwerp van jou vertroue.
Vir die gelowige is die voorwerp van sy geloof die Here Jesus Christus. Die gelowige glo dat Jesus Christus sy enigste Verlosser van die sonde en die hel is. Sonder Jesus Christus sou die sondaar homself nooit kon red nie, ongeag hoe sterk sy geloof ook al mag wees. Die krag van ons geloof lê in Jesus Christus, wat God in die vlees is en wat nie kan misluk nie. Dit gaan dus nie oor die hoeveelheid geloof nie, maar oor die soort geloof (die regte voorwerp). Jesus Christus alleen is die waarde en meriete vir die gelowige se redding en sekuriteit.
Lees meer Die Voorwerp van Geloof: Waarin rus jou Vertroue?
Wanneer ons Sterf
Die Gelowige en die Dood: ‘n Oorgang van Lig tot Lig
Hierdie is nie juis een van die mees aangenaamste onderwerpe om oor te skryf nie, maar die feit bly staan dat ons almal die een of ander tyd gaan sterf (indien ons gelukkig is, sal ons deel van die groep gelowiges wees wat die dood d.m.v. die wegraping sal vryspring). Vir baie mense is die gedagte van die dood iets vreesliks, maar vir die gelowige hoef dit nie die geval te wees nie.
Onthou dat die Bybel nooit die dood as uitwissing van bestaan omskryf nie, maar wel as skeiding. Indien iemand sterf, dan sterf net sy fisiese liggaam, maar sy gees en siel bly bewustelik voortbestaan. Die verhaal van Lasarus en die ryk man demonstreer hierdie waarheid baie mooi (Luk 16:19–31).
Lees meer Wanneer ons Sterf
Gelykenis van die Bruilof
Israel se Verwerping en die Kleed van Geregtigheid
Die gelykenis van die bruilof volg op die gelykenis van die twee seuns en die gelykenis van die landbouers. Hierdie drie gelykenisse vorm ‘n eenheid. Die gelykenis van die bruilof demonstreer dat die volk Israel as gevolg van hulle ongeloof tydelik tersyde gestel gaan word en dat die Evangelie na al die nasies sal uitgaan. Die leser word aangeraai om die artikels gelykenis van die twee seuns en die gelykenis van die landbouers te lees om die nodige agtergrond te bekom.
Kom ons kyk na die teksgedeelte:
Matt.22:1 “En Jesus het weer deur gelykenisse met hulle begin spreek en gesê: 22:2 Die koninkryk van die hemele is soos ‘n koning wat ‘n bruilof vir sy seun berei het”
Opmerking: Dit blyk duidelik dat die Koning God die Vader is en dat Jesus Christus die Seun verteenwoordig. Die bruilof sal tydens of kort na die aanvang van Christus se Messiaanse Koninkryk op aarde gevier word.
Laaste Dae Herlewing?
Vraag: Wanneer gaan die groot herlewing begin waarvan almal praat? Ek hoor baie daarvan, maar sien nie in werklikheid enige verandering in ons samelewing nie. Ek sal graag jou opinie hieroor wil hoor.
Antwoord: Dit is ’n belangrike vraag wat dikwels misverstaan word. Dit hang af van wat jy as “herlewing” beskou. Ware Bybelse herlewing beteken ’n terugkeer na God en Sy Woord. Met ware herlewing bely mense hulle sondes, laat dit staan, en laat die Heilige Gees toe om hulle lewens te beheer. Dit lei altyd na ’n heilige lewenswandel waar die Bybel die enigste maatstaf is waarteen alle gedrag gemeet word.
Sekere Christelike leiers verkondig vandag dat die Kerk eers die wêreld gaan oorneem voordat Jesus Christus terugkom. Om ’n ware antwoord te kry, moet ons egter kyk of Jesus of die apostels geleer het dat daar ’n herlewing in die laaste dae van die Kerk-era gaan plaasvind.
Luk.18:8 “Ek sê vir julle dat Hy gou aan hulle reg sal doen; maar as die Seun van die mens kom, sal Hy wel die geloof op die aarde vind?”
Jesus Christus self het hierdie vraag gevra, wat ’n ernstige aanduiding is van die geestelike verval wat Sy koms sal voorafgaan.
Wettisisme vs geloof in Christus
Vryheid van Wettisisme: Wandel deur die Gees
Wettisisme is die begeerte om die toegerekende geregtigheid — wat God op grond van die Here Jesus Christus se voltooide werk aan die kruis aan ons skenk — te probeer verbeter. Dit is ’n poging om ons eie werke daaraan toe te voeg, sodat die Here ’n groter rede kan hê om ons as regverdig te beskou. So ’n persoon vergeet dat God ons slegs regverdig verklaar op grond van ons geloof in die voltooide werk van Christus, en niks anders nie. Dit is God wat in die Here Jesus Christus alles gedoen het om die mens te verlos; die mens kan niks tot sy eie verlossing bydra nie. Hy kan slegs die gawe van die ewige lewe as geskenk by God deur geloof aanvaar.