Sleutelwoord se argiewe: bose geeste

Die duiwel se aktiwiteite sover dit die gelowige aanbetref. Deel 6

Dit moet in gedagte gehou word dat die Here Jesus Christus slegs van buite Sy wese deur die duiwel versoek kon word. Die duiwel het Hom genader met voorstelle wat bedoel was om Hom so ver te kry om teenstrydig met God die Vader se wil op te tree. Maar in teenstelling met ons, kon die Here Jesus Christus nie van binne Homself versoek word nie. Ons, as gevalle wesens, beskik huidiglik oor ‘n sonde natuur, wat tydens die sondeval bekom is, en word soms vanuit ons sonde natuur versoek sonder dat die duiwel ons enigsins versoek.
Mat 15:16 “maar Jesus sê: Is julle dan ook nog sonder verstand? 15:17 Begryp julle nog nie dat alles wat in die mond ingaan, in die maag kom en in die heimlikheid uitgewerp word nie? 15:18 Maar die dinge wat uit die mond uitgaan, kom uit die hart, en dit is dié wat die mens onrein maak. 15:19 Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal. 15:20 Dit is hierdie dinge wat die mens onrein maak; maar om met ongewaste hande te eet, maak die mens nie onrein nie.”
En onthou, God versoek niemand met sonde nie, maar ons word eerder deur ons bose begeertes vanuit ons gevalle sonde natuur versoek.
Jak 1:13 “Laat niemand, as hy in versoeking kom, sê: Ek word deur God versoek nie. Want God kan deur die kwaad nie versoek word nie, en self versoek Hy niemand nie. 1:14 Maar elkeen word versoek as hy deur sy eie begeerlikheid weggesleep en verlok word. 1:15 Daarna, as die begeerlikheid ontvang het, baar dit sonde; en as die sonde tot volle ontwikkeling gekom het, bring dit die dood voort.”
Die Here Jesus Christus beskik egter nie oor ‘n sonde natuur nie, en derhalwe was daar niks binne in Hom wat daartoe sou bydra dat Hy vanuit hierdie posisie deur die duiwel versoek sou word nie.
Joh 14:30 “Ek sal nie veel meer met julle spreek nie; want die owerste van hierdie wêreld kom en het aan My niks nie.
1Jo 3:5 En julle weet dat Hy verskyn het om ons sondes weg te neem, en geen sonde is in Hom nie.”

Lees meer Die duiwel se aktiwiteite sover dit die gelowige aanbetref. Deel 6

Hulp met Bose Geeste in Huis

Vraag: Hello
Ek soek graag hulp of raad hoe om bose geeste uit my huis te kry. Hier gebeur baie vreemde goed en eks bang vir dit, veral vir my kind! Asb help my.

Antwoord: Moenie bang wees nie, indien jy dood eenvoudig die Evangelie geglo het, het jy die Heilige Gees by wedergeboorte ontvang en is Hy vir ewig saam met jou.
Efs 1:13 “in wie julle ook, nadat julle die woord van die waarheid, die evangelie van julle redding, gehoor het, in wie julle, nadat julle ook geglo het, verseël is met die Heilige Gees van die belofte,”
Die Heilige Gees is nie net saam met jou nie, maar is met wedergeboorte die seël wat waarborg dat jy aan God behoort! God self is die seël! Dink daaraan!
1Jo 4:4 “ Julle is uit God, (jy is met wedergeboorte uit God gebore) my kinders, en het hulle oorwin, omdat Hy wat in julle is, groter is as hy wat in die wêreld is.”
Onthou hierdie waarheid! Lees meer Hulp met Bose Geeste in Huis

Die Leerstelling van die Gevalle Engele

Die leser moet net kennis neem, dat hierdie studie hoofsaaklik oor gevalle engele of bose geeste handel. Aparte artikels wat Satan, asook die leerstelling van die heilige engele, aanspreek is alreeds in anders studies op die webtuiste behandel. (Die leser word aangeraai om die artikels “Satan” en “Die Leerstelling van die Heilige Engele” vir meer besonderhede rondom daardie aangeleenthede te lees.) Lees meer Die Leerstelling van die Gevalle Engele

Bind en Ontbind van Bose Geeste!

Daar is deesdae ‘n siening onder ‘n baie groot gedeelte van die belydende Christendom dat ons as gelowiges die Duiwel en demone kan bind. Sommige mense gaan ook so ver, as om te beweer, dat self siektes en armoede, van Satan se houvas daarop, ontbind kan word, wat daartoe sal lei dat die betrokke persoon welvaart sal beleef of vry van siekte sal wees. ‘n Verder uitvloeisel wat uit hierdie leerstelling, is die leerstelling dat ons as gelowiges die gesag en mandaat het om bose geeste wat oor spesifieke dorpe, stede, lande en self kontinente heers te bind, om sodoende hierdie plekke uit die mag van hierdie demone te bevry en op hierdie manier word die wêreld weer vir Christus terug gewen. Daarvolgens word dan seminare en lesings aangebied, om ywerige gelowiges, te leer hoe om hierdie bose geeste te bind, en word daar gereeld op televisie, op radio asook in boeke en ook op konferensies verkondig dat gelowiges die offensief teen Satan en ander bose geeste moet neem, deur die toepassing van strategiese geestelike oorlogvoering om hulle te bind. Daar word ook verkondig, dat daar individuele geeste of demone is wat beheer van sekere dorpe, stede geografiese streke asook individuele geboue (territoriale geeste of demone) het, en as ons hierdie geeste wat oor hierdie plekke gesag uitoefen bind, dit daartoe sal lei dat hierdie plekke geëvangeliseer sal word. Hierdie leerstelling word ook op individuele toegepas en daar word soms so ver gegaan as om te beweer dat bindings van armoede gebreek of ontbind kan word, wat daartoe sal lei dat die betrokke persoon rykdom en voorspoed sal beleef. Lees meer Bind en Ontbind van Bose Geeste!