Spr.1:25 “En julle al my raad nie opgevolg en van my teregwysing nie wou geweet het nie,”

• Aan die nie-wedergebore persoon: Hy verwerp die Evangelie en daarmee saam die enigste weg tot redding.
• Aan die wedergebore persoon: Hy respekteer en gehoorsaam nie God se oproep om hom van die wêreld af te sonder en sy sondes te laat staan nie.

Spr.1:26 “Daarom sal ek ook lag by julle ondergang, ek sal spot as julle verskrikking kom; 1:27 as julle verskrikking kom soos ‘n onweer, en julle ondergang soos ‘n stormwind aankom, as benoudheid en angs julle oorval.”

• Aan die nie-wedergebore persoon: Hy kom tot sterwe en besef met ‘n skok dat hy op pad hel toe is. Dit is dan te laat, en hy dra self die skuld vir sy verwerping van die lig.
• Aan die wedergebore persoon: God se genade gee nie ‘n lisensie om te sondig nie. As iemand werklik wedergebore is, sal daar tugtiging in sy lewe kom indien hy in sonde voortgaan. In uiterste gevalle van weerspannigheid kan dit selfs tot die fisiese dood lei (1Kor.11:30).

Heb 12:4 “Julle het nog nie ten bloede toe weerstand gebied in julle stryd teen die sonde nie. 12:5 En julle het die vermaning heeltemal vergeet wat tot julle as seuns spreek: My seun, ag die tugtiging van die Here nie gering nie en beswyk nie as jy deur Hom bestraf word nie; 12:6 want die Here tugtig hom wat Hy liefhet, en Hy kasty elke seun wat Hy aanneem. 12:7 As julle die tugtiging verdra, behandel God julle as seuns; want watter seun is daar wat die vader nie tugtig nie? 12:8 Maar as julle sonder tugtiging is, wat almal deelagtig geword het, dan is julle onegte kinders en nie seuns nie. 12:9 Verder, ons het ons vaders na die vlees as kastyders gehad, en ons het vir hulle ontsag gehad; moet ons nie veel meer aan die Vader van die geeste onderworpe wees en lewe nie? 12:10 Want húlle het ons wel ‘n kort tydjie na hulle beste wete getugtig; maar Hy tot ons beswil, sodat ons sy heiligheid kan deelagtig word. 12:11 Nou lyk elke tugtiging of dit op die oomblik nie ‘n saak van blydskap is nie, maar van droefheid; later lewer dit egter ‘n vredevolle vrug van geregtigheid vir die wat daardeur geoefen is. 12:12 Daarom, rig die slap hande en die verlamde knieë weer op; 12:13 en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word. 12:14 Jaag die vrede na met almal, en die heiligmaking waarsonder niemand die Here sal sien nie; 12:15 en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie. 12:16 Laat niemand ‘n hoereerder wees nie, of ‘n onheilige soos Esau, wat vir één spysgereg sy eersgeboortereg verkoop het. 12:17 Want julle weet dat hy, toe hy ook later die seën wou beërwe, verwerp is, want hy het geen geleentheid vir berou gevind nie, al het hy dit met trane vurig begeer.”