Alle bydraes deur Vic

Gelykenisse, Profesie

Gelykenis van die Tien Maagde

Profetiese rede op die Olyfberg volgens Mattheus Deel 5

Gelykenis van die Tien Maagde

Voordat ons die gelykenis van die tien maagde bespreek is dit belangrik dat ons net weer kortliks na die kulturele en historiese aspekte van ‘n tipiese Joodse huwelik van die Bybelse tyd kyk. Dit is belangrik dat ons dit doen, want Jesus het so ‘n Joodse huwelik as agtergrond vir die oordra van die gelykenis van die tien maagde gebruik. As ons hierdie gelykenis dus reg wil verstaan, dan is dit baie belangrik dat ons weet hoe ‘n Joodse huwelik gedurende die tyd van Jesus bevestig is. Dit sal dan die uitleg en verstaan van die gelykenis soveel vergemaklik en sal verhoed dat onnodige foute met die uitleg van die gelykenis gemaak word. Lees meer Gelykenis van die Tien Maagde →

Gelykenisse, Profesie

Profetiese rede op die Olyfberg volgens Mattheus Deel 4

Gelykenis van die twee diensknegte:

Mattheus 24:45 “Wie is dan die getroue en verstandige dienskneg vir wie sy heer oor sy diensvolk aangestel het om hulle hul voedsel op tyd te gee?”
Opmerking: Dit moet van die begin af duidelik verstaan word dat die diensknegte waarna die Here Jesus Christus hier verwys, nie lede van die Kerk wat as Sy Bruid bekend staan is nie. Die mense waarna die Here hier verwys, is mense wat gedurende die verdrukking of laaste sewe jaar tydperk van die 490 jaar tydperk wat oor die Joodse volk uitgespreek is sal lewe. Dus is dit die mense wat tydens die verdrukking geloof in Jesus bely, en dit sluit ware gelowiges asook mense wat nie werklik die Evangelie glo nie, in.
Mattheus 15:7 “Geveinsdes, tereg het Jesaja oor julle geprofeteer toe hy gesê het: 15:8 Hierdie volk nader My met hulle mond en eer My met die lippe, maar hulle hart is ver van My af. 15:9 Maar tevergeefs vereer hulle My deur leringe te leer wat gebooie van mense is.” Lees meer Profetiese rede op die Olyfberg volgens Mattheus Deel 4 →

Gelykenisse, Profesie

Profetiese rede op die Olyfberg volgens Mattheus Deel 3

In deel drie van hierdie reeks artikels gaan ons die derde en laaste vraag wat Jesus se dissipels aan Hom gestel het beantwoord. Jesus se dissipels wou weet wat die teken sou wees wat sou aandui dat die einde van die dispensasie aangebreek het. Ons moet dus die konteks waarin hierdie vra gestel is onthou en in ag neem. Soos reeds in deel een en twee van hierdie reeks genoem, het ons gemerk dat die dissipels die laaste 7 jaar tydperk van die 490 jaar tydperk wat oor die nasie uitgespreek is ingedagte gehad en dus wou hulle weet wat die teken sal wees dat die laaste 7 jaar van daardie spesifieke tydperk tot ‘n einde gekom het. Die leser word aangeraai om deel 1 en deel 2 van hierdie reeks artikels eerste te lees om die konteks en agtergrond van hierdie artikel te verkry. In die vorige artikel het ons afgesluit waar Jesus Sy dissipels teen die valse profete gewaarsku het. (Mattheus 24:24-25. In hierdie artikel sluit ons by Mattheus 24:26 aan. Lees meer Profetiese rede op die Olyfberg volgens Mattheus Deel 3 →

Profesie

Profetiese rede op die Olyfberg volgens Mattheus Deel 2

Die Groot Verdrukking

Voordat ons met deel 2 van hierdie studie begin is dit baie belangrik dat ons seker maak dat ons die konteks van die Profetiese Rede op die Olyfberg reg verstaan. Dit sal verhoed dat ons onnodiglike foute sal begaan met die uitleg van hierdie teksgedeelte. Mattheus 24-25 is dan ook die twee hoofstukke wat baiekeer heeltemal buite die konteks verkeerdelik geïnterpreteer word. So vroeg as Mattheus 24:3 kry ons alreeds ‘n idee van wat die konteks van die gesprek op die Olyfberg behels.
Mat 24:3 “En toe Hy op die Olyfberg gaan sit het, kom die dissipels alleen na Hom en sê: Vertel ons, wanneer sal hierdie dinge wees, en wat is die teken van u koms en van die voleinding van die wêreld?” Lees meer Profetiese rede op die Olyfberg volgens Mattheus Deel 2 →

Profesie

Profetiese rede op die Olyfberg volgens Mattheus Deel 1

Die begin van die smarte (Die begin van die verdrukking)

Die gesprek wat die Here Jesus Christus op die Olyfberg gelewer het is een van die vier hoof gesprekke wat Hy met Sy eerste koms aarde toe gelewer het, en die inhoud daarvan moet met die Bergpredikasie (wat oor die morele en etiese beginsels van die koninkryk handel Mattheus 5 – 7); met die predikasie wat oor die huidige tydperk handel (wat oor die koninkryk wat in versteekte vorm in die harte van mense voortbestaan, terwyl die Koning afwesig is, handel. Mattheus 13) en met die gesprek in die bovertrek ( wat oor die kerk wat as die liggaam van Christus in die huidige tydperk handel. Johannes 13 – 17) vergelyk word. Die gesprek op die Olyfberg handel oor die einde van die huidige dispensasie (tussen die twee komste van Christus) wanneer Jesus Christus weer aarde toe sal kom om Sy koninkryk fisies aarde te kom vestig. Die gesprek op die Olyfberg het gevolg op die gebeure in Mattheus 23 waar Jesus die Fariseërs en Skrifgeleerdes ernstig betig het oor hulle valse en skynheilige godsdiens en praktyke. Hoofstuk 23 het afgesluit met Jesus se bewoënheid oor die stad Jerusalem.
Mat 23:37 “Jerusalem, Jerusalem, jy wat die profete doodmaak en stenig dié wat na jou gestuur is, hoe dikwels wou Ek jou kinders bymekaarmaak net soos ‘n hen haar kuikens onder die vlerke bymekaarmaak, en julle wou nie!
23:38 Kyk, julle huis word vir julle woes gelaat!
23:39 Want Ek sê vir julle: Julle sal My van nou af sekerlik nie sien nie totdat julle sal sê: Geseënd is Hy wat kom in die Naam van die Here!”
Vir Sy dissipels moes Sy woorde verwarrend geklink het, want hulle het verwag dat Jesus Sy Koninkryk onmiddellik gaan vestig en hoe sou Hy oor die nasie Israel kon regeer as die nasie woes gelaat word? Dit herinner mens nogal aan die tyd toe die heerlikheid van God op ‘n vorige geldeenheid die tempel van Salomo verlaat het, voordat die volk Israel in ballingskap weggevoer was. (Esg 9:3; 10:4; 11:23) Daar het God die tempel verlaat en hier verlaat God weereens die tempel, net voordat die herboude tempel weereens verwoes sou word en die volk na die uiteindes van die wêreld verstrooi sou word! Lees meer Profetiese rede op die Olyfberg volgens Mattheus Deel 1 →

Vraag en antwoord

Hemelse krone, loon en goeie werke

Die Vyf Krone: Ewige Belonings vir Getroue Dissipelskap

Die Bybel leer ons dat hoewel die toegang tot die hemel ‘n gratis gawe is wat deur geloof alleen verkry word, die posisie en status in die komende Koninkryk bepaal word deur die gelowige se getrouheid op aarde. Wanneer gelowiges voor die Regterstoel van Christus verskyn, sal die Here spesifieke toekennings, oftewel krone, uitdeel aan diegene wat aan spesifieke geestelike vereistes voldoen het. Hierdie krone verteenwoordig die “goud, silwer en kosbare stene” wat die vuurproef deurstaan het. Dispensasionele teoloë identifiseer tradisioneel vyf onderskeibare krone in die Nuwe Testament.

1. Die Onverwelklike Kroon (Die Kroon vir Selfbeheersing)

Hierdie kroon word beloof aan die gelowige wat sy liggaam en sy “ou mens” suksesvol onder die beheer van die Heilige Gees gebring het. Dit is die kroon vir dissipline en selfbeheersing. In die antieke Griekse spele het atlete meegeding vir ‘n lourierkrans wat binne dae sou verlep. Paulus kontrasteer hierdie tydelike prys met die ewige beloning vir geestelike dissipline. Hy gebruik die metafoor van ‘n hardloper en ‘n bokser om te illustreer dat die Christelike lewe doelgerigte inspanning en onthouding van sonde vereis.

Die apostel Paulus skryf in 1 Korintiërs 9:24-27:
“Weet julle nie dat die wat in die renbaan hardloop, wel almal hardloop, maar dat een die prys ontvang nie? Hardloop so dat julle dit kan verkry. En elkeen wat aan ‘n wedstryd deelneem, onthou hom in alles—húlle nogal om ‘n verwelklike krans te ontvang, maar ons ‘n onverwelklike. Ek hardloop dan soos een wat nie onseker is nie; ek slaan met die vuis soos een wat nie in die lug slaan nie. Maar ek kasty my liggaam en maak dit diensbaar, dat ek nie miskien, terwyl ek vir ander gepreek het, self verwerplik sou wees nie.”
Die woord “verwerplik” (in Grieks adokimos) beteken nie dat Paulus bang was om sy redding te verloor nie, maar dat hy “afgekeur” of gediskwalifiseer sou word vir die prys of beloning. Hierdie kroon is dus vir die gelowige wat die vlees kruisig en in heiligmaking wandel.

Lees meer Hemelse krone, loon en goeie werke →

Valse leerstellings

Spreuke 18:21 en krag in die mens se Woorde

Die leser moet net kennis neem dat my bedoeling met die skryf van hierdie artikel nie ‘n persoonlike aanval op enige spesifieke persoon is nie, maar teen die valse leerstelling wat as waarheid verkondig en geglo word. Daar is baie eerbare gelowiges wat deur hierdie leerstelling beïnvloed is en dit was in my geval ook so gewees. Ek dank God egter dat Hy my van hierdie leerstelling verlos het en dit is my gebed dat ander ook daarvan vrygestel sal word. Lees meer Spreuke 18:21 en krag in die mens se Woorde →

Vraag en antwoord

Is ek God se kind as ek struikel?

Vraag: Kan jy my asb help om vas te stel of ek waarlik ‘n kind van die Here is. Laat my toe om my situasie aan jou te verduidelik. Ek was ‘n alkoholis en het met die genade van God opgehou drink en ‘n geheel onthouer geword, maar onlangs het ek besluit om ‘n drankie met vriende te geniet en niks daarmee verkeerd gesien nie. Een drankie het toe na meer drankies gely en voordat ek my oë kon uitvee het ek gestruikel en was ek onder die invloed. Nou kom daar gereeld ‘n gedagte by my op dat ek nie werklik God se kind is nie en dat my Christenskap net ‘n klug is. Het jy enige raad vir my.

Antwoord: Hierdie antwoord geld vir enige sonde wat veroorsaak het dat die gelowige struikel. Net die blote feit dat jy hierdie vraag stel is vir my ‘n indikasie dat jy wel God se kind is. Iemand wat nie die Gees van God in hom het nie, sal met gemak in sonde kan bly en gemaklik daarin voel. Dit is nie te sê dat hulle gewetes hulle nie soms sal pla nie, want die Here het in almal van ons ‘n gewete geplaas.
Rom 2:14 “Want wanneer die heidene, wat geen wet het nie, van nature die dinge van die wet doen, is hulle vir hulleself ‘n wet, al het hulle geen wet nie; 2:15 omdat hulle toon dat die werk van die wet in hulle harte geskrywe staan, terwyl hulle gewete saam getuienis gee en die gedagtes mekaar onderling beskuldig of ook verontskuldig,”
So ‘n persoon sal weet dat wat hy doen verkeerd is, maar hy sal nie dink dat sy sonde ‘n sonde teenoor die God van die Hemele is nie, want hy weier om in Hom te glo. As gelowiges sal ons altyd voel dat ons teenoor God gesondig het en in hierdie feit alleen lê daar ‘n groot verskil en daarom sal ons kan saamstem met die woorde van koning Dawid.
Psa 51:4 (51:6) “Teen U alleen het ek gesondig en gedoen wat verkeerd is in u oë, sodat U regverdig kan wees as U spreek, rein as U gerig hou.” Lees meer Is ek God se kind as ek struikel? →

Vraag en antwoord

Die doop van die Heilige Gees en met vuur

Vraag: In Lukas 3:16 sien ons dat Jesus ons met die Heilige Gees sal doop asook met vuur. Is die doop met die Heilige Gees dieselfde as die doop met vuur? Indien dit nie dieselfde gebeurtenis is nie kan jy asb die verskil verduidelik. Baie dankie.

Antwoord: Daar is ‘n baie groot verskil tussen die doop met die Heilige Gees en die doop met vuur. Daar is ook baie verwarring en selfs valse leerstellings wat verkondig word, omrede die konteks van Johannes die doper se stellings nie in ag geneem word nie. Daar is bv. mense wat verkondig dat die gelowige met vuur gedoop moet word anders sal so ‘n persoon nie die krag van die Heilige Gees in sy lewe ervaar nie en sal dus onvrugbaar in die diens van God wees. Kom ons gaan kyk eers na die teksgedeelte wat jy genoem het, dan sal ons dit verder bespreek. Onthou om alles wat ek of enigiemand aan jou mag verkondig met die Bybel te gaan vergelyk om seker te maak dat jy nie besig is om verlei te word nie. Jy alleen gaan deur God verantwoordelik gehou word vir wat jy glo, so maak seker dat jy die waarheid ken. Lees meer Die doop van die Heilige Gees en met vuur →

Heiligmaking, Heilsweg

Die gelowige se posisie in Christus vs sy optrede

Dit kan nie genoeg beklemtoon word hoe belangrik dit vir die gelowige is om teksgedeeltes in die regte konteks van die Skrif te lees en verstaan nie. As hierdie reël getrou nagevolg word sal dit baie verwarring en onsekerhede uitskakel en behoort die bestudering van die Bybel ‘n plesier te word en nie as iets beskou te word wat net vir sekere persone beskore is nie. God in Sy liefde en genade het die Bybel aan al Sy kinders geskryf en Hy wil hê dat hulle almal dit vir hulleself moet lees en verstaan. Dit is ook ‘n mite dat sekere gedeeltes van die Skrif nie verstaan kan word nie. God sal nie die Bybel vir die mens gee met die bedoeling dat die mens sekere gedeeltes nie kan verstaan nie. As die Bybel nie vir die mens geskryf is nie, vir wie is dit dan geskryf? Die Bybel is deur God gegee om verstaan te word. Met hierdie waarheid ingedagte gaan ons ‘n teksgedeelte bespreek wat baie onsekerheid en vrees by sommige mense veroorsaak, omrede die teksgedeelte gereeld buite sy konteks aangehaal word. Lees meer Die gelowige se posisie in Christus vs sy optrede →